Thursday, 1 April 2010

കടൽക്കരയിൽ...

ചിതറികിടക്കുമീ പൊൻ തരികളിൽ,
പതിയുന്നുവായിരം കാൽപ്പാടുകൾ..

തഴുകിത്തലോടി മറഞ്ഞൊരാ കാറ്റിൽ,
പതിയെ പറക്കുന്നുവെൻ മാനസം!

അകലെയാവാനിൽ, ഒഴുകുന്ന സൂര്യനോ

മൃദുവായി തഴുകുന്നു മേഘങ്ങളെ..

കുളിരുമ്മ നൽകുമാ അലകളിൽ കണ്ടു,
ഇളകി കളിക്കുന്ന മൺപൂക്കളെ..

കണ്ടു ഞാൻ കടലിന്റെ ഉല്ലാസ നൃത്തം

നിറയുന്നു സിരകളിൽ താള മേളം!

'തൊട്ടു' കളിച്ചുവാ തിരകളെൻ കാലിൽ,
കുട്ടിത്തമുള്ളൊരു കുഞ്ഞു പോലെ..

അലകളിൽ സംഗീതമൊഴുകുന്ന പോലെ,
ആത്മാവിലൊഴുകുന്നു ഹർഷ ധാര

അകലേ പറന്നുപോം പക്ഷിതൻ ചിറകടി

ഒരു നേർത്ത സംഗീതമായി മാറി!

കടലിനെ മംഗല്യവതിയാക്കി സൂര്യൻ

പടിഞ്ഞാറിൻ തീരത്ത്‌ മാഞ്ഞകന്നു..

വെറുതെയിരുന്നു ഞാൻ കുളിരുള്ള തീരത്ത്‌
പൊതിയുന്നു ഇരുളിന്റെ കൈകളെന്നെ ?..
 

Post a Comment

3 comments:

  1. kadalkkarayil assalayittundu
    M,K.Sudhakaran

    ReplyDelete
  2. കടല്‍ക്കരയെ ഒരുപാട് ഇഷ്ട്ടപെടുന്നു . പക്ഷെ .....?

    ReplyDelete