ഈ പ്രാവശ്യം ഒരു കപ്പ്..ക്ഷമി.. ഒരു ഗ്ലാസ്സ് ചായയാണ് താരം.
എത്രയോ തവണ നമ്മൾ ചായക്കടേലുന്നും ('ചായ കടയിൽ നിന്നും' എന്നും പറയാം..) തട്ടു കടേലുന്നും ചായ വാങ്ങി കുടിച്ചിരിക്കുന്നു..
ഒരു നിമിഷം ഓർത്തു പോയി.. എന്തൊക്കെയാണു ഞാൻ കുടിക്കുന്നതെന്ന്..
നമ്മുക്ക് ഈ ചായ എന്നു പറയുന്ന 'സാധന' ത്തിനെ ഒന്നു നല്ലോണം പരിശോധിക്കാം..
ആദ്യമായ് പാൽ (ചിലരതിനെ 'പ്യാൽ' എന്നും പറയും..നോ കമന്റ്സ് പ്ലീസ്..)
ലതെവിടെ നിന്നും വരുന്നു എന്നു ആരോടും ചോദിക്കേണ്ട കാര്യമില്ല..
എവിടെയോ മേഞ്ഞു നടന്ന..ഏതോ തൊഴുത്തിൽ കിടന്ന പശൂന്റെ, അതിന്റെ ക്ടാവിനു കൊടുക്കാൻ അതു കാത്തു വെച്ചിരുന്ന ഒരു വെളുത്ത ദ്രാവകം,
വളരെ ക്രൂരമായ് അടിച്ചു മാറ്റി, ഊറ്റിയെടുത്തത്തല്ലേ ?.. എന്നാ പിടിച്ചോ ശാപം നമ്പർ 1.
ഒരു മൃഗത്തിന്റെ ശരീരത്തിനുള്ളിൽ നിന്നും വരുന്ന ഒരു ദ്രാവകം
ചിലർ സൗകര്യപൂർവ്വം 'വെജിറ്റേറിയൻ' എന്നു അവകാശപ്പെടുന്നുണ്ട്..
അതേത് വകുപ്പിലെന്ന് അറിയില്ല..ആ അവകാശത്തിനു പിന്നിൽ എന്തെങ്കിലും
ദുരുദ്ദേശമുണ്ടോയെന്നു ഈ നിഷ്ക്കളങ്കനറിയില്ല.. ഇതു സത്യം!
(കുഞ്ഞിനു അമ്മ കൊടുക്കാൻ കാത്തു വെച്ചത് അടിച്ചു മാറ്റിയത് ഏതു വകുപ്പിൽ പെടുന്ന കുറ്റമെന്നറിയില്ല.. പക്ഷെ ഒരു തരം 'മറ്റേ' പണിയായി പോയി എന്നറിയാനുള്ള സാമാന്യബുദ്ധി ദൈവം സഹായിച്ചു കിട്ടിയിട്ടുണ്ട്)
ഈ വല്ല്യ ബുദ്ധി ജീവി ചമഞ്ഞു നടക്കണ മനുഷ്യർക്ക് ഇതിന്റെ വല്ല ആവശ്യമുണ്ടോ?..
ആ ചായയിലെ പ്രധാന കഥാപാത്രം തന്നെ വശക്കേടാണല്ലേ?.. ('ആർക്കറിയാം.. നമ്മുക്ക് കുടിച്ചാൽ പോരെ..'എന്നു ചില നിസ്സംഗന്മാർ ചിന്തിക്കുന്നതു ഞാനറിയുന്നില്ലാ എന്നു വിചാരിക്കരുത്!)
ഒക്കെ.. നെക്സ്സ്റ്റ് ഐറ്റം..
സംശയം വേണ്ടാ.. ചായപ്പൊടി തന്നെ..
എവിടുന്നാണ് ഇഷ്ടന്റെ വരവ്?.. വല്ല പിടുത്തവുമുണ്ടോ?
ഉണ്ടല്ലോ...
ഏതോ മലഞ്ചെരുവിൽ വളർന്നു നിന്ന ഒരു കാട്ടു ചെടി, അതിന്റെ ഇലകൾ പൊട്ടിച്ച്, ഉണക്കിയെടുത്ത്, അതു വെള്ളത്തിലിട്ടു തിളപ്പിച്ച്..എന്റമ്മോ..ക്ഷീണിച്ച് പോയി.. ഞാനൊന്ന് റെസ്റ്റ് എടുക്കട്ടെ..
ഈ പണ്ടാരമൊക്കെ ഏതു കാട്ടുമാക്കാനാണ് കണ്ടുപിടിച്ചത്?!..എന്തായാലും ഒരു ഒടുക്കത്തെ പിടുത്തമായി പോയി..
ആർക്കറിയാം ആ ഇലയിൽ എന്തൊക്കെയാണുള്ളതെന്ന്.. ഓരോ വർഷവും ചായക്ക് ഓരോ ഗുണങ്ങൾ അലെങ്കിൽ ദോഷങ്ങൾ ഉണ്ടെന്ന് ചില വിദ്വാന്മാർ പരീക്ഷണനീരീക്ഷണങ്ങൾ നടത്തിയിട്ട് പറയാറുണ്ട്..അതിനർത്ഥം..ഇപ്പോഴും നമ്മുക്കീ കാട്ടുചെടിയെക്കുറിച്ച് കാര്യമായൊന്നും അറിയില്ല എന്നല്ലേ?..
തീർന്നോ?..എവിടെ?
വാട്ട് അബൗട്ട് ഷുഗർ?
അതെവിടെ നിന്ന്?
ഏതൊ അണ്ണാച്ചി വളർത്തിയെടുത്ത കരിമ്പിൻ തൊട്ടത്തിൽ നിന്നും പിഴുതെടുത്ത കരിമ്പ് പിഴിഞ്ഞെടുത്ത ജൂസ്-അതിൽ നിന്നും അല്ലയോ ഈ പഞ്ചാര അല്ലെങ്കിൽ പഞ്ചസാര എന്ന സാധനം ഉണ്ടാക്കുന്നത്?
പക്ഷെങ്കി..അതേങ്ങനെ വെളുക്കും?..
എന്റെ അറിവിൽ (ഒക്കെ..അറിവില്ലായ്മയിൽ) ശർക്കരയും മേൽ പറഞ്ഞ ജൂസിൽ നിന്നുമല്ലേ ഉണ്ടാക്കണത്?.. അല്ലേ അണ്ണാ?
പിന്നെം വെളുപ്പ്.. അതൊരു ചോദ്യചിഹ്നം തന്നെ..
എന്നാൽ അറിഞ്ഞിട്ടെ ഉള്ളൂ ബാക്കി കാര്യം..
ഞാൻ നമ്മുടേ 'ഗൂഗൾ' അണ്ണനെ സമീപിച്ചു..
ചോദ്യം വെച്ചു തൊഴുതു നിന്നു..
നിമിഷങ്ങൾക്കകം 'ഇന്നാ പിടിച്ചൊ' എന്നും പറഞ്ഞ് എറിഞ്ഞു തന്നു ഒരു പത്ത് നൂറ് ലിങ്കുകൾ!
നമിച്ചു! അണ്ണൻ തന്നെ സർവ്വജ്ഞാനി..
ബട്ട്..റിസൾട്ട് വായിച്ച് ഈയുള്ളവന്റെ കണ്ണു തള്ളിപ്പോയി..
കണ്ട പശൂന്റെ എല്ലൊക്കെ എടുത്തു പൊടിച്ച്, കരിച്ച്..അതെടുത്താണ്..ഈ വെളുപ്പിക്കൽ പ്രയോഗം നടത്തുന്നത്!!
എന്റെ ഈശ്വരാാാ!!!..
എനിക്കറിയാം ഇതാരും വിശ്വസിക്കാൻ പോണില്ലെന്ന്..
അവർക്കായ്..
http://www.vegfamily.com/articles/sugar.htm
എന്റെ ഉള്ളിലെ 'മിസ്റ്റർ ജിജ്ഞാസു' പിന്നേം ചോദ്യങ്ങൾ ചോദിക്കാൻ തുടങ്ങി..
അപ്പോ ഈ വെള്ളുപ്പിക്കണത് എന്തിനണ്ണാ?
ഈ മാതിരി നിഷ്ക്കളങ്കമായ് ചോദിച്ചാൽ ഏതു വിവരമില്ലത്തവൻ കൂടി എന്തേലും പറഞ്ഞു പോവും..അറിയില്ലെങ്കിൽ എവിടെയെങ്കിലും പോയി പഠിച്ചിട്ടു വന്നു പറയും..
ഈ വെളുപ്പിക്കലൊക്കെ ചുമ്മാ ഭംഗിക്കല്ലേ!!
വെളുത്ത പെണ്ണുങ്ങൾക്കല്ലേ വിവാഹ മാർക്കറ്റിൽ ഡിമാൻഡ്!..
(അതൊരു മാർക്കറ്റ് ആണൊ എന്നൊക്കെ ചോദിച്ചു എന്റെ ശ്രദ്ധ തിരിക്കാൻ നോക്കരുത്..ഇപ്പോൾ നമ്മുടെ വിഷയം ഒരു ഒരു ഗ്ലാസ്സ് ചായ മാത്രമാണ്)
അപ്പോ ഈ ചായ ചായ എന്നു പറയുന്നത്?
അതെ..നമ്മൾ വിചാരിക്കുന്നതു പോലുള്ള ഒരു നിസ്സാരനല്ല..അതൊരു 'സംഭ്വാണ്'
അപ്പോ രാവിലെ തന്നെ ഇതൊക്കെ തൊണ്ടക്കുഴിയിലൂടേ ഒഴിച്ച് ഞെളിഞ്ഞു നടക്കണ നമ്മളേ എന്തു വിളിക്കണം ?
ഒരു സിമ്പിൾ ചായയുടെ കാര്യം ഇതാണെങ്കിൽ, തോന്നുമ്പോ തോന്നുമ്പോ പെറുക്കി ഉള്ളില്ലേക്കെറിയുന്ന ബാക്കി സാധനങ്ങളൊ?..
അതൊക്കെ എഴുതാൻ തുടങ്ങിയാൽ, ഒരു അന്തവും കുന്തവും കാണില്ല..
തളരുന്നു മമ ദേഹം...
kollam , chaaya polum ethrem vicharichu kaanilla
ReplyDeleteകിട്ടുന്ന ചായ കുടിച്ച് ഒന്ന് പുറത്തിറങ്ങി നടക്ക്, ഇങ്ങനെ നോക്കിയാൽ ഒന്നും തിന്നാതെ കുടിക്കാതെ മേലോട്ട് പോവേണ്ടി വരും. ഞാൻ ബോട്ടണിക്കാരിയാ, സസ്യങ്ങൾക്കെല്ലാം ജീവനുണ്ട്, അപ്പോൾ ഓരോ ദിവസവും എത്രയാ നമ്മൾ കൊലപാതകം നടത്തുന്നത്?
ReplyDeleteപിന്നെ ഈ ഇംഗ്ലീഷിലുള്ള word verification ഒന്ന് നിർത്തിക്കൂടെ?
kollam :-) pakshe padikkendaa samayathu padikkathe karangi nadannathinteyaa pancharyail ellu podiyundennulla sathyam manassilakkan google ne aashrayikkendi vannathu :-)
ReplyDeletepower of silence num, minikkum, shabuvinum nanni.
ReplyDeleteMini teacher,
oru paavam chemistry kaaranaane njaan..
appol ethokke aalochichu povunnathu swabhavikam!
english word verification ne kurichu madam paranjathu manasillayilaa.. :(
Shabu,
aa paranjathu 100% sathyam.. angane nadannathu kondaavum padippukkunnathallatha palathum vaayichu nokkan oru prerana aayathu :)
ee kaaryam schoolil padikkumbozhe ariyaamaayirunnenkilum (ente science teacher nu nanni paranjotte ivide), nammalil ethra perkku ee sathyam ariyamenna kaaryam samsayamaanu..